2024ko ekainaren 3tik 7ra bitartean egingo da, BIEMH azokaren testuinguruan
ADDITƐDek, fabrikazio aditiboan eta 3D inprimaketan Estatuko liderra den azoka industrialak, zortzigarren edizioa egingo du Bilbao Exhibition Centren 2024ko ekainaren 3tik 7ra bitarte. Kasu honetan, BIEMH-Makina-Erremintaren Nazioarteko Biurtekoaren 32. Edizioaren testuinguruan egingo da azoka, eta 4.0 industriaren eta fabrikazio aurreratuaren erakusleiho handiena osatuko du. Gainera, digitalizazio industrialean espezializatutako enpresen partaidetza handia izango du.
ADDITƐD ikuspegi integrala duen egitasmoa da eta erakusketaren atala kongresuenarekin bateratzen du. Fabrikazio aditiboko eta antzeko industrietako profesionalek eta adituek sektore mailako azken berrikuntzak eta joerak araka ditzaten galdu ezinezko hitzordua da. Horretarako, ADDITƐD 2024k ADDITIVE TALKS konferentzietan kongresu mailako egitarau zabala eskainiko du. Bertan, Estatuko eta nazioarteko enpresa liderretako ordezkariek esperientziak partekatu eta sektorean gaurkotasun handia duten gaiak jorratuko dituzte. Horrekin guztiarekin, 3D inprimaketako eta fabrikazio aditiboko punta-puntako garapenen inguruko ikuspegi sakona eskainiko dute.
Fabrikazio aditiboak bezainbeste aukera eskaintzen dituen eta horren dinamikoa den sektorean, etengabeko berrikuntza eta bilakaera teknologiko bizkorra dira hazkundea eta eraldaketa bultzatzen dituzten oinarrizko zutabeak. Horiei guztiei esker, enpresak eta profesionalak fabrikazio aurreratuaren abangoardian kokatzen dira. Etorkizunerako bultzada hori ekainean ikusgai geratuko da ADDITƐDren erakusketa eremuan.
Bertan, sektore askotan liderrak diren enpresak egongo dira ordezkatuta: fabrikazio aditiboko eta 3D inprimaketako teknologietarako sistemak eta makinak, aplikazio industrialak, lehengaiak, kontsumigarriak, 3D inprimaketa-zerbitzuak, software espezializatua, 3D eskaneatze-zerbitzuak eta eskanerra, besteak beste. Orain arte, punta-puntako enpresa hauek baieztatu dute bertan izango direla: ARBURG, SICNOVA, MELTIO, 3DCERAM, BASF FORWARD AM, BCN 3D, TETON SIMULATION, SMART MATERIALS 3D, SHINING 3D, MARKFORGED, MADIT 3D, MAQUINSER, HP, LYNXTER, FILAMENTUM, ESSENTIUM, NEXA 3D, RAISE 3D, INDART 3D, GE ADDITIVE, MATERIALISE, SINTRATEC, LUMEX/MATSUURA, DYEMANSION, ALMA eta HERVEL.
Sektorean berrikuntza bultzatzeko bere konpromiso irmoaren baitan, ADDITƐDek bere nortasun bisuala eguneratu du. Prozesu horren ondorioz, tipografia aldatu da eta 3D isotipoa modernizatu da.
ADDITƐD 2024 ADDIMATek (Fabrikazio Aditiboko Teknologien eta 3Dren Espainiako Elkartea) eta Bilbao Exhibition Centrek antolatzen dute.
Iruzkin bat utzi