OMEk aitortutako Osasun publikoko larrialdiko egoeraren aurrean COVID-19 koronabirusaren agerraldia dela eta
OMEk aitortutako Osasun publikoko larrialdiko egoeraren aurrean Covid-19 koronabirusaren agerraldia dela eta, ADDIT3D, Fabrikazio Aditiboko eta 3Dko Nazioarteko Azokaren antolaketa-batzordeak azoka atzeratzea erabaki du, 2020ko azaroaren 23tik 27ra. Antolaketa-batzordea Bilbao Exhibition Centre-k eta ADDIMAT, Fabrikazio Aditiboko eta 3Dko Teknologien Espainiako Elkarteak osatzen dute, euskal erakundeekin koordinatuta. Neurri horrek BIEMH, Makina-Erramintaren Nazioarteko Bienalari eragingo dio, eta baita BeDigital, IMIC eta WORKinn azokei ere, zeinak BIEMH azokarekin batera egingo dira.
Erabaki zail honekin, Bilbao Exhibition Centre-k egoera honek ezartzen duen erantzukizun oinarria bere gain hartzen du, zeinean gaixotasuna gehiago ez zabaltzea hain garrantzitsua den, eta ezaugarri hauetako ekitaldi bat antolatzeko baldintzak behar den segurtasunarekin ematen ez diren.
Horiek horrela, orain ADDIT3D azoka antolatzen duen taldearen helburu nagusia da ikuspegi komertzialetik eta ekonomikotik ekitaldi erakargarri bat eskaintzea, antolatuta zegoena bezain erakargarria izango den ekitaldi bat, baina baita osasunerako segurua ere. Hori dela eta, ADDIT3D azokak are ahalegin handiagoa egingo du bezeroekin hartutako konpromisoa betetzeko eta aurtengo azaroan ere 5. edizioak arrakasta izateko; urtero bezala, enpresek teknologia eta zerbitzu aurreratuenak erakutsi eta ezagutu ahal izango dituzte azokan, eta negozioa egin.
Iruzkin bat utzi