Berria

2018ko maiatzean izango da; BIEMHrekin batera

3D inprimagailuak eta ekipamenduak izango dira ADDIT3D, Fabrikazio Aditiboko eta 3Dko Nazioarteko Azokaren eskaintzaren arlo erakargarrienetako bat, zeina 2018ko maiatzaren 28tik ekainaren 1era ospatuko den BIEMHekin aldi berean. Gure herrialdean 4.0 industriarekin lotutako plataforma handienarekin aldi eta leku berean izateak erakusketari makineria eta bukatutako pieza eskaintza handiagoa ematea ahalbidetuko dio. Deialdi hau, gainera, fabrikazio gehigarriko ekipamenduen salmentan eta irtenbideak eskaintzen dituzten enpresetan gorakada nabarmenen eta ekipamenduen zein lehengaien prezioak egonkortuko direla dirudien testuinguruan ematen da.

Are zehatzago, “sistemak eta makineria” izan da, ADDIT3D hasi zenetik, bisitarien inkestan interes handiena piztu duena, puntuen % 20rekin. Ondoren, “industria aplikazioak” “3D eskanerra edota eskaneatze-zerbitzuak”, “softwarea”, “lehengaiak”, “metrologia” eta “zerbitzuak”. Horiek guztiak ekitaldiaren erakusketa eremuan egongo dira. Bertan, automobilgintza, aeronautikoa, moldeak, industria-erremintak, makina-erreminta, energia, trenbidea, ontzi eta enbalajeak, defentsa eta sektore mediko-kirurgikoari, besteak beste, neurrirako soluzioak eskainiko dituzte aurten ere.

Erakusketariak erakartzeko kanpainak, azaroan hasi zena, haste oso ona izan du. 2017ko ekainean, 90 erakusketari bildu zituen ADDIT3Dk, eta batez beste, bezero izan zitezkeenekin 225 merkataritza-harreman sortu zituzten. Bestalde, hitzaldien programak, ADDIMATek koordinatua, sektorearen erronka berriak aztertuko diru, eta produktuen balio-katea hobetzeko erantzun aurreratuagoak eskainiko ditu. Hartan, lehen mailako enpresen ordezkariek aplikazio berrien inguruan duten euren esperientzia luzatuko dute, 2020rako 16.000 milioi euro gainditzea aurreikusita dagoen arlo erabat arrakastatsu horretan.

Erakusketa eta jardunaldiak bateratzen dituen ADDIT3D informazioa eta teknologia hartu eta emateko erreferentzia-gunea bilakatu da, baita nazioarteko mailan sustapen estrategiak garatzeko eta, horrekin, negozio aukera berriak aurkitzekoa ere. ADDIMAT, Fabrikazio Aditiboko eta 3D Fabrikazio Teknologien Espainiako Elkartea eta Bilbao Exhibition Centre dira ADDIT3D azokaren antolatzaileak.